АДИБИ ТОҶИК ДАРГУЗАШТ
Душанбе, 2 август. (АМИТ «Ховар», Лутфия Эшонқулова).-Шоми рӯзи 1-уми августи соли равон рӯзноманигор, олим ва адиби тоҷик Иноят Насриддин дар синни 64-солагӣ аз олам чашм пӯшид. Иноят Насриддин 15-уми феврали соли 1946 дар деҳаи Пасурхи, вилояти Сурхандарёи Ҷумҳурии Ӯзбекистон таваллуд шудааст. Соли 1967 Донишкадаи омӯзгории давлатии Душанбе ба номи Т. Г. Шевченкоро хатм намуда, солҳои зиёд дар радио ва телевизиони Тоҷикистон ба ҳайси рӯзноманигор фаъолият намудааст. Аз соли 1995 то соли 2007 дар Раёсати рушди муассисаҳои фарҳангӣ-фароғатӣ ва ҳунарҳои мардумии Вазорати фарҳанги Ҷумҳурии Тоҷикистон адои вазифа намудааст. Ӯ бо унвони фахрии Ходими хизматнишондодаи маданияти Тоҷикистон ва Ифтихорномаи фарҳанги Президиуми Шӯрои Олии Ҷумҳурии Ӯзбекистон мукофотонида шудааст. Бояд ёдрас шуд, ки Иноят Насриддин яке аз драматургони маъруф ба шумор рафта, асарҳои саҳнавиашро қариб дар ҳама театрҳои кишвар ба саҳна гузоштаанд. Вазорати фарҳанги Ҷумҳурии Тоҷикистон ва Агентии миллии иттилоотии Тоҷикистон «Ховар» аз марги Иноят Насриддин андӯҳгин буда, ба аҳли хонадони марҳум сабри ҷамил хоҳонанд. Ёдатон ба хайр устоди арҷманд!
ҶАМЪБАСТИ НИШАСТҲОИ МАТБУОТӢ. 8 август дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
