ФУРӮШИ ҒАЙРИҚОНУНИИ ЗАМИН ДАР ВОСЕЪ

Қурғонтеппа, 3 август. (АМИТ «Ховар», Мурод Сотиев).-Прокуратураи ноҳияи Восеи вилояти Хатлон нисбат ба истиқоматкунандаи деҳаи «Зафаробод»-и ҷамоати «Гулистон»-и ноҳияи мазкур Ибодулло Асадуллоев парвандаи ҷиноӣ оғоз намуд. Тавре аз прокуратураи ноҳияи Восеъ хабар доданд, Ибодулло Асадуллоев бо роҳи фиреб 00,8 гектар замини хоҷагии деҳқонии «Навкорам»-ро ғайриқонунӣ ба сокини ҳамин ноҳия Файзулло Муродов ба маблағи 500 доллари ИМА фурӯхт. И. Асадуллоев медонист, ки ҳуқуқи фурӯхтани қитъаи заминро надорад, лекин ӯ ба қонуншиканӣ роҳ дод. Прокуратураи ноҳияи Восеъ аз рӯи далели мазкур прокуратураи ноҳияи Восеъ мутобиқ ба моддаи 247 қисми 2 боби «В» Кодекси Ҷиноятии ҶТ парвандаи ҷиноӣ оғоз намуд. Тафтиш идома дорад.