«ГУЛДАСТ»- МАКОНИ ДУХТАРОНИ CОҲИБҲУНАР

Рашт, 19 август. ( АМИТ «Ховар, М. Ризвонов»). Дар ноҳияи  Рашт бо дастгирии мақомоти иҷроияи маҳаллии ҳокимияти давлатӣ  корхонаи нави дӯзандагии «Гулдаст» ба фаъолият  шурӯъ  намуд. Сарварии   корхонаи дӯзандагиро марди соҳибкор Ҳабиб Кингаков ба ӯҳда дорад. Корхона метавонад  21 нафар чавондухтаронро  бо ҷойи кор таъмин  намояд. Ҳамчунин, дар назди корхона  курсҳои омӯзишӣ кушода шудаанд. Духтарон дар ин курсҳо муддати 3 моҳ касби дӯзандагиро  омӯхта, сипас   соҳиби  касб ва ҷойи кор мегарданд.