ГУНАҲГОРОН МАҲБАСӢ ГАРДИДАНД

Ҳамадонӣ, 20 август. (АМИТ «Ховар», Сулаймон Холов). — Суди   ноҳияи  Мир  Сайид  Алии  Ҳамадонӣ    нисбат ба  Қиличов Қурбоналӣ  Кенҷаевич,   истиқоматкунандаи деҳаи Ҳаёти нави   ҷамоати  деҳоти  Чӯбек парвандаи   ҷиноятӣ  кушод.  Шодиҷон  Назаров  раиси  суди  ноҳия   иброз  дошт, ки  номбурда   моҳи  декабри  соли  2009   бо  маслиҳати  пешакӣ   бо  шаҳрванди  Давлати  Исломии  Афғонистон  бо  номи  «Юсуфи Ланг», ки  шахсияташ  дар  тафтишот  номуайян  аст, дар  ду  халта ба  миқдори  7076 грамм маводи  нашъаоварро    ғайриқонунӣ   гирифта, дар дараи  Обгузари   кӯҳи  назди  деҳаи  Гулбоғ нигоҳ  медорад. Баъдан  бо  маслиҳати  пешакӣ бо  ҷиянаш  Қиличов  Диловар   ин  маводи  нашъаоварро   аз  ҷойи  пинҳонкарда   гирифта,  ба  Маъруф  ном  шахс  мефурӯшад.  Қиличов  Қ. К  бо  моддаи  200, қисми  3, бандҳои  «в» ва «г» Кодекси  Ҷиноятии   ҶТ   гунаҳгор  дониста шуда, ба   мӯҳлати  10  сол  бо  мусодираи  молу  амвол   ва  бо  нигоҳ  доштан дар муассисаи   ислоҳотии  дорои  низоми   пурзӯр  ба  маҳкама  кашида  шуд.