ИДРОРПУЛӢ — 1000 ДОЛЛАРИ ИМА

Душанбе, 31 август. (АМИТ «Ховар», Дилшодаи Ҷонмард).- Созмони исломӣ оид ба илм, фарҳанг ва маориф (ISESCO) бахшида ба эълон гардидани шаҳри Душанбе ҳамчун пойтахти фарҳанги исломӣ дар соли 2010 ба ду нафар беҳтарин донишҷӯёни Донишкадаи давлатии санъати Тоҷикистон ба номи М.Турсунзода идрорпулии фахрии  ISESCO-ро барои солҳои таҳсили 2010 – 2011 муқаррар намудааст. Бояд гуфт, ки ин ташаббус аз ҷониби Вазорати фарҳанги Ҷумҳурии Тоҷикистон гирифта шуда, ба ҳар кадом дар давоми сол 1000 доллари ИМА ҷудо гардидааст.