МАКОНИ КАСБОМӮЗӢ ДАР КӮҲИСТОН

Шуғнон, 13  август. ( АМИТ «Ховар», Л Додо).-Литсеи касбӣ- техникии  ҷамоати  Навободи ноҳияи  Шуғнон дар  Бадахшон ягона  литсей аст, ки  барои соҳаҳои гуногуни  хоҷагии халқи вилоят  ҳар сол мутахассисони  зиёд  омода менамояд. Тавре директори литсей Саидқадам Саидҳазалов иттилоъ дод, ҳамасола дар ин муассиса  320 нафар ҷавонписарону духтарон  таҳсил менамоянд. Шогирдони литсей  бо хобгоҳ, ҳаммом, ошхона, толори варзишӣ,  хонаҳои истироҳату дамгирӣ таъминанд. Онҳо дар ин ҷо  ихтисосҳои  кафшергарӣ, устои  барқ, муҳосиб, дӯзанда, челонгар,устои  таъмири  воситаҳои нақлиёт, харрот ва ғайраро меомӯзанд. Аксарияти онҳо ҳоло  дар  ташкилотҳои сохтмонӣ,  роҳу алоқа  ва гурӯҳи дигар   мувофиқ ба  ихтисосашон берун аз мамлакат   фаъолият доранд.