МУЛОҚОТИ САРОНИ ДАВЛАТҲОИ АЪЗОИ СААД ДАР ЕРЕВАН

Маскав, 17 август. (АМИТ «Ховар», Ҳалима Хушқадамова).- Рӯзҳои 20 ва 21 августи соли равон дар пойтахти Ҷумҳурии Арманистон-шаҳри Ереван мулоқоти ғайрирасмии сарони давлатҳои аъзои Созмони аҳдномаи амнияти дастаҷамъӣ баргузор мегардад. Сарони давлатҳои Арманистон, Белорусия, Қазоқистон, Қирғизистон, Русия, Тоҷикистон ва Ӯзбекистон дар мулоқоти мазкур ширкат варзида, вазъияти Ҷумҳурии Қирғизистон, тадбирҳои дастаҷамъии Созмони аҳдномаи амнияти дастаҷамъиро барои муътадил гардонидани вазъияти ин мамлакат, инчунин пешниҳодҳоро барои беҳтар сохтани низоми вокуниши зидди бӯҳронӣ дар қаламрави мамлакатҳои аъзои созмон мавриди баррасӣ қарор хоҳанд дод.