МУЛОҚОТИ ЗАРИФӢ БО САФИРИ НАВИ ҶУМҲУРИИ ХАЛҚИИ ХИТОЙ

Душанбе, 5 август. (АМИТ «Ховар», Фарангис Раҳимова). —  4 августи соли ҷорӣ, вазири корҳои хориҷии Ҷумҳурии Тоҷикистон Ҳамрохон Зарифӣ Сафири Фавқулъода ва Мухтори Ҷумҳурии Халқии Хитой дар Ҷумҳурии Тоҷикистон Фань Сянжунро ба ҳузур пазируфт. Тавре ба АМИТ «Ховар» аз Вазорат хабар доданд, сафир нусхаи эътимодномаи худро ба Вазири корҳои хориҷӣ супорид. «Пас аз он, мулоқоти дуҷониба сурат гирифт, ки дар он мавзўи муносибатҳои байнидавлатии  мутақобилан судманд ва саҳми Ҷумҳурии Халқии Хитой дар рушди Ҷумҳурии Тоҷикистон ва минтақа таъкид гардид», афзуд манбаъ.