СЕХИ НАВИ ТРАНСФОРМАТОРТАЪМИРКУНӢ

Ваҳдат, 27 август. (АМИТ «Ховар», Зебо Давлатова).- Дар арафаи ҷашни  Истиқлол корҳои сохтмонию васлгарӣ ва  азнавтаъмиркунӣ  дар заводи таъмирию  техникӣ хуб ба роҳ монда шудааст. Тавре ба хабарнигори АМИТ «Ховар» директори заводи  таъмирию механикии  шаҳри Ваҳдат Тоҳир Икромов  иттилоъ дод, ба истиқболи  ҷашни  Истиқлолияти  кишвар дар назди  завод боз як коргоҳи  нави таъмири  трансформаторҳои  иқтидорашон аз 1000 то 6500 кВт  ба истифода дода шуд. Тоҳир Икромов  афзуд, ки  аввалин трасформатори  аз таъмир баровардашударо  ба ҶСШК «Мурғи Ҳилол»-и  ноҳияи Файзобод ба истифода додем.Инчунин, корхона  баҳри беҳбудии  кори асалпарварон  дар коргоҳ мошинаҳои асалкашӣ  истеҳсол менамояд, ки  он кори  асалпарваронро  чанд маротиба  осон мегардонад.