ҲУНАРНАМОИИ ТУРКМАНҲО ДАР САҲНАИ ТОҶИК
Душанбе, 24 сентябр. (АМИТ «Ховар», Лутфия Эшонқулова). – Дар чаҳорчӯби рӯзҳои фарҳанги Туркманистон дар Тоҷикистон имрӯз меҳмонони туркман дар маросими муаррифии китоби Президенти Туркманистон Гурбонгулӣ Бердимуҳаммадов, ки дар Донишгоҳи давлатии тиббии ба номи Абӯалӣ ибни Сино доир гардид, иштирок намуданд. Тавре ба хабарнигори АМИТ «Ховар» аз маркази матбуоти Вазорати фарҳанги ҶТ хабар доданд, имшаб дар саҳни Театри опера ва балети ба номи Садриддин Айнӣ консерти калони дӯстӣ, ба ифтихори анҷоми Рӯзҳои фарҳанги Туркманистон баргузор мегардад. Дар фарҷом дар Вазорати фарҳанги ҶТ қабули расмӣ аз ҷониби вазири фарҳанг доир мегардад. Рӯзи шанбе, 25 сентябр сафари ҳунарии меҳмонони туркман ба анҷом расида, онҳо ба ватан бармегарданд. Ёдовар мешавем, ки дар доираи Рӯзҳои фарҳанги Туркманистон дар Тоҷикистон, ҳунармандони туркман ба ноҳияи Ҷилликӯл, аз ҷумла ҷамоати ба номи Эшбек Сатторов, ки дар он ҷо туркманҳои муқими Тоҷикистон истиқомат менамоянд, дидан намуданд. Манбаъ қайд намуд, ки худи ҳамон рӯз дар саҳнаи театри академӣ-драмавии ба номи А. Лоҳутӣ намоишномаи «Достони Гурӯғлӣ» пешкаши тамошобинони тоҷик гардид, ки дар он ҳунармандони Туркманистон ҳунарнамоӣ намуданд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
