ТАРКИШ ДАР «ДӮСТӢ» АМАЛИ ТЕРРОРИСТӢ НЕСТ

Душанбе, 6 сентябр .  (АМИТ «Ховар», Лутфия Эшонқулова) – Таркише, ки дар маркази дилхушии «Дӯстӣ»-и пойтахт рӯй дод, амали террористӣ нест, — хабар доданд ба АМИТ «Ховар», аз маркази робитаҳои ҷамъиятии КДАМ ҶТ. Манбаъ, ҳамчунин, иттилоъ дод, ки 5 сентябр соати 23.45 дақиқа дар маркази дилхушии «Дӯстӣ», воқеъ дар ноҳияи Фирдавсӣ таркиш рӯй дод, ки дар натиҷаи он 4 нафар ҷароҳати сабук гирифтанд. «Сабаби асосии таркиш амалҳои авбошонаи мизоҷони маркази дилхушӣ зимни истифодаи ашёи пиротехникӣ гаштааст»,-зикр намуд манбаъ. Аз рӯи ҳодисаи мазкур парвандаи ҷинояти кушода шуда, тафтиш идома дорад.