ТАВАҶҶӮҲИ ХОСАИ ИТАЛИЯ БА ТОҶИКИСТОН

            Душанбе, 21 сентябр. (АМИТ «Ховар», Лаззат Диловарзод).- Бино ба иттилои маркази матбуотии Вазорати энергетика ва саноат, дар вохӯрие, ки ҷонишини вазири рушди иқисоди Ҷумҳурии Италия бо намояндагони Вазорати энергетика ва саноати ҶТ дошт масъалаи ҳамкориҳо дар соҳаи энергетика ва саноат баррасӣ гардид.             Намояндагони Ҷумҳурии Италия дар ин вохӯрӣ иброз доштанд, ки кишвари онҳо дар амалӣ сохтани лоиҳаҳо дар соҳаи энергетика, нефту газ, мошинасозӣ,  коркарди маҳсулоти саноати сабук ва хӯрокворӣ  дар Тоҷикистон таваҷҷӯҳи зиёд дорад.             Бояд тазаккур дод, ки дар давоми 8 моҳи соли ҷорӣ  гардиши савдои хориҷӣ миёни Ҷумҳурии Тоҷикистон ва Ҷумҳурии Италия  12 млн. доллари амрикоиро ташкил дод. Ҷумҳурии Италия яке аз шарикони асосӣ дар содирот ва воридоти молҳои саноатӣ ва хӯрокворӣ бо Тоҷикистон мебошад.