ҚАРЗДОРӢ АЗ МУЗДИ МЕҲНАТ ЗИЁД

Душанбе, 12 октябр. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҶТ маблағи қарздорӣ аз музди кор бо назардошти қарзи солҳои гузашта то 1- уми августи соли 2010 21 млн. 955 ҳазор сомониро ташкил дод, ки ин нисбат ба моҳи июни соли ҷорӣ 463,3 ҳазор сомонӣ ё 2,2 фоиз зиёд шудааст.    Қарздорӣ аз пардохти музди кор то 1- уми  августи соли ҷорӣ дар соҳаи истеҳсолоти неъматҳои моддӣ 124 ҳазор сомонӣ зиёд шуда, ба 20 млн. 247,1 ҳазор сомонӣ расидааст. Зиёдшавии қарздорӣ аз пардохти музди кор  қариб дар ҳамаи соҳаҳои истеҳсолоти неъматҳои моддӣ ба қайд гирифта шудааст. Дар соҳаҳои нақлиёт, савдо, кишоварзӣ ва хоҷагии ҷангал қарздорӣ аз пардохти музди кор мутаносибан  61,5, 2,2 ва 0,4 фоиз кам шудааст.    Дар соҳаҳои истеҳсолоти ғайридавлатӣ  бошад, қарздорӣ аз музди кор ҳамагӣ 1 млн. 505 ҳазор сомониро ташкил медиҳад.