АГАР БА КАСБ ЭҲТИЁҶ ДОРЕД

Душанбе, 11октябр. (АМИТ «Ховар», Лаззат Диловарзод).- Маркази касбомӯзию соҳибкории Вазорати меҳнат ва ҳифзи иҷтимоии аҳолӣ дар давоми фаъолияташ ба 1301 нафар шаҳрвандон касбҳои замонавӣ, аз қабили оператори компютерӣ, занбӯриасалпарвар, боғпарвар, кафшергар, дӯзанда, барқчӣ, ошпаз, пешхизмат  ва боз даҳҳо касбҳои ба талаботи бозор мувофиқро омӯзонида, тавассути роҳхати Вазорати меҳнат ва ҳифзи иҷтимоии аҳолӣ ба истеҳсолот фиристода шуданд,- иброз доштанд дар вазорати мазкур ба мухбири АМИТ «Ховар». Марказ, ҳамчунин , ба таври худмаблағгузор барои онҳое, ки мехоҳанд соҳиби касбу ҳунар гарданд, касбҳои дилхоҳашонро меомӯзонад.  Дар   Марказ аллакай 272 нафар  ба тарзи худмаблағгузор соҳибкасб гардиданд.    Дар соли 2010 Марказ базаи таълимии худро беҳтар намуда, 15 адад компютерҳои тамғаи «Пентум — 4», 1 адад ноутбук, 14 адад UPS,   10 адад мошини дӯзандагӣ,   1 мошини гулдӯзӣ ва боз даҳҳо номгӯй асбобу анҷоми таълимӣ харид.