БАҚИЯИ ҚАРЗИ АНДОЗ КАМ МЕГАРДАД

Душанбе, 12 октябр. (АМИТ «Ховар», Назокат Қодирова).- Дар ноҳияи ба номи Бобоҷон  Ғафурови вилояти Суғд якбора 3,5 миллион сомонӣ бақияи қарзи андозҳо кам гардид.Дар ин бора ба мо аз Нозироти андози ноҳияи мазкур хабар доданд. Пардохти маблағҳои қарзи андоз пеш аз ҳама бо шарофати сари вақт гузаронидани корҳои тарғиботӣ, семинар ва дигар чорабиниҳои фаҳмондадиҳӣ  рӯи кор омадааст. Айни замон бақияи қарзи андозҳои ин ноҳия аз 8 миллион сомонӣ зиёдтар аст.Масъулини Нозироти андози ноҳияи ба номи Бобоҷон Ғафурови вилояти Суғд баҳри кам кардани бақияи қарзи андозҳо  корҳои тарғиботиро тақвият дода, соҳибкорони ноҳияро ба масъулиятшиносӣ даъват менамоянд.