ДУЗДИИ 730 ДОЛЛАР АЗ СЕЙФ

Душанбе, 12 октябр. (АМИТ «Ховар», Мавҷуда Анварӣ).- Шаби 9 ба 10 октябри соли ҷорӣ ба корхонаи Ташкилоти ҷамъиятии маркази ҳуқуқи кӯдакон, воқеъ дар шаҳри Душанбе, к. Бухоро, х. 49 «А», шахсони номаълум бо роҳи шикастани қулфи дар   вориди он шуда, аз дохили ҷевони оҳанин (сейф) 730 доллари ИМА-ро дуздида, аз ҷойи ҳодиса ғайб задаанд. Кормандони ШКД ноҳияи Шоҳмансури пойтахт барои муайян ва дастгир кардани ҷинояткорон парвандаи ҷиноятӣ кушода, тафтиш бурда истодаанд. Дар ин бора Маҳмадулло Асадуллоев-сардори  маркази матбуоти ВКД ба хабарнигори АМИТ «Ховар» хабар дод.