КӮМАК БА ҚУРБОНИЁНИ НООРОМИҲО
Душанбе, 19 октябр.(АМИТ «Ховар», Марзия Саидова).- Бо мақсади дастгирии маънавию молиявии оилаҳои афсарону сарбозони сокини шаҳри Душанбе, ки дар нооромиҳои охири минтақаи Рашт ба ҳалокат расиданд, Раиси шаҳри Душанбе Маҳмадсаид Убайдуллоев қарори марбута ба имзо расонд. Тибқи он ба 7 нафар оилаи низомиёни қурбоншуда- подполковникҳо Рустам Розиқов, Абдуҷаббор Сатторов, лейтенант Ҷумъа Сангов, прапоршикҳо Мӯҳриддин Неъматов, Фурқат Бурҳонов, Сироҷиддин Ибодов ва Равшан Олимов кӯмаки молиявии яквақтаина аз ҳисоби фонди захиравии Раиси шаҳри Душанбе ҷудо карда шуд. Ҳамзамон, масъулини Раёсати тандурустӣ ва маорифи шаҳри Душанбе вазифадор карда шуданд, ки ҷиҳати расонидани хизматрасониҳои тиббии пайваста ва ба боғча фаро гирифтани фарзандони низомиёни ҳалокшуда чораҳои зарурӣ андешанд. Кӯмаки молиявии яқвақтаина бо ибрози тасаллият аз номи Раиси шаҳри Душанбе Маҳмадсаид Убайдуллоев аз ҷониби муовини Раиси шаҳр Санавбар Раҳимова ва раисони комиссияҳои доимии Маҷлиси вакилони халқи шаҳри Душанбе Абдуғаффор Рауфӣ ва Абдулҳамид Самадов ба пайвандони қурбоншудагон расонида шуд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
