ТАҚДИРРО ТАДБИР МЕБОЯД

Ҳисор, 20 октябр. (АМИТ «Ховар»,  Ҳотам Рабиев).- Чанде қабл китоби нави адиби  хушзавқ Султонмуроди Одина бо номи «Тақдир ва тадбир» бо теъдоди 500 нусха аз чоп баромад. Дар китоб қиссаҳои марғуб ва дилошўби шоир ва нависандаи заҳматпеша    Султонмуроди Одина аз боби рўзгор ва зиндагии ҳамватанони  мо, ҷаҳду талоши онҳо барои ростиву ҳақиқат, муҳаббат  ва  пойдории адолат ҳикоят менамоянд.    Султонмуроди Одина  айни замон  муовини мудири шўъбаи маорифи ноҳияи Ҳисор буда,  дар як вақт сармуҳаррири  маҷаллаи  «Маорифи Ҳисор» низ мебошад.   Китоби «Тақдир ва тадбир» 37- умин китоби адиби маъруф Султонмуроди Одина  мебошад.