АЗ ОЗМОИШИ ҶАҲОНӢ ГУЗАШТ

Душанбе, 5 ноябр. (АМИТ «Ховар», Лаззат Диловарзод).-Бино ба иттилои президенти Академияи илмҳои кишоварзӣ Ҳукматулло Аҳмадов, бо мақсади таҳияи стандарти давлатӣ бори аввал 700 намунаи пашми бузҳои зоти серпашми тоҷикӣ бо дастгирии ташкилоти ИКАРДА ба озмоишгоҳи ҷаҳонии санҷиши пашм ирсол гардид, ки сифати онҳо ҷавобгӯи талаботи стандарти ҷаҳонӣ дониста шуд.    Аз тарафи олимони Пажӯҳишгоҳи чорводорӣ  дар хоҷагиҳои зотпарвар рамаҳои селексионии гӯсфандони зоти ҳисорӣ парвариш шуд. Рамаҳои селексионии гӯсфандони зоти тоҷикӣ, қароқӯлӣ, гурӯҳи маҳинпашми дарвозӣ ба вуҷуд оварда шуд, ки аз рӯи аломатҳои ирсиву маҳсулнокӣ нисбат ба нишондиҳандаҳои миёнаи хоҷагӣ 15 – 20 фоиз беҳтаранд.