ДЕҲҚОН БОШӢ, ШУДГОР КУН!
Душанбе, 11 ноябр. (АМИТ «Ховар», Лаззат Диловарзод).- Кишоварзони ҷумҳурӣ тасмим гирифтаанд, ки соли ҷорӣ дар майдони 202 ҳазору 250 га кишти тирмоҳии зироатҳои ғалладона ва сабзавоти барвақтӣ гузаронанд,- хабар доданд аз Раёсати растанипарварии Вазорати кишоварзӣ ба мухбири АМИТ «Ховар». Бино ба маълумоти расмии вазорат, то 10 – уми ноябри соли 2010 майдони 89 ҳазору 107 га шудгор ва дар майдони 57 ҳазору 600 га кишти тирамоҳии зироат ва сабзавоти барвақтӣ гузаронида шудааст, ки мутаносибан ба 44 фоиз (шудгор) ва 28, 5 фоиз (кишт) баробар аст. Бо вуҷуди он ки ин нишондиҳанда нисбат ба соли 2009 мутаносибан 19 ҳазору 966 га (шудгор) ва 6 ҳазору 387 га (кишт) зиёд аст, аммо мӯҳлати шудгору кишти тирамоҳӣ дар вақти муқарраршуда ба охир намерасад. Ин амали деҳқонон ба баланд бардоштани ҳосил ва гузоштани замина барои соли 2011 таъсири манфӣ хоҳад расонд. Айни ҳол мутахассисони соҳаи кишоварзиро зарур аст, ки барои анҷоми шудгор ва кишти тирамоҳӣ аз тамоми имкониятҳо истифода намоянд, зеро дар урфият беҳуда нагуфтаанд, ки «Деҳқон бошӣ, шудгор кун!»
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
