ХУСУСИГАРДОНӢ ДАВОМ ДОРАД

Душанбе, 3 ноябр. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҷумҳурӣ, аз аввали хусусигардони то 1 –уми октябри соли 2010    дар ҷумҳурӣ 260 ҳазор манзили истиқоматӣ хусусӣ гардонида шуд. Аз хонаҳои хусусигардонидашуда 191 ҳазори он бо роҳи фурӯш, 4 ҳазор    бо пардохти  як қисми  маблағ ва 65 ҳазор манзил ба шаҳрвандон бепул дода шудааст.    Масоҳати умумии хонаҳои истиқоматии  хусусигардонидашуда 14, 3 млн.метри мураббаъро ташкил медиҳад.    Аз ҳисоби умумии  ин хонаҳо   2366 манзил дар ВМКБ, 38 ҳазору 682 дар  вилояти Суғд, 84 ҳазору 55 хона дар  вилояти Хатлон, 115 ҳазору 756 манзили истиқоматӣ дар шаҳри Душанбе ва 1946 хона дар ноҳияҳои тобеи ҷумҳурӣ хусусӣ гардонида шудаанд.