«МАДАД»-МАДАДГОРИ КИШОВАРЗ

Душанбе, 18 ноябр. (АМИТ «Ховар», Лаззат Диловарзод).- Дар Вазорати кишоварзӣ ба мухбири АМИТ «Ховар» иттилоъ доданд, ки КВД «Мадад» дар давоми 10 моҳи соли 2010 ба якчанд ташкилоту корхонаҳои дохилию хориҷӣ  барои воридоти техникаю мошинолоти кишоварзӣ ва қисмҳои эҳтиётӣ ба маблағи беш аз 4 млн. сомонӣ шартномаҳо ба имзо расонидааст.    Тибқи маълумоти ҳамин манбаъ,  то имрӯз  ба маблағи 3 млн. сомонӣ техникаи кишоварзӣ, аз ҷумла 17 адад трактор, 7 адад комбайни ғалладарав, 9 адад испори тракторӣ ва дигар қисмҳои эҳтиётӣ ворид  шудааст, ки нисбат ба ҳамин давраи  соли 2009 ба маблағи 1 млн. 200 ҳазор сомонӣ зиёд аст.    Дар ин муддат аз тарафи корхонаи мазкур ба хоҷагиҳои деҳқонӣ ва дигар корхонаҳои кишоварзӣ ба маблағи 62 ҳазору 450 сомонӣ корҳои хизматрасонӣ анҷом дода шудааст. Корхона дар тамоми минтақаҳои ҷумҳурӣ 17 адад мағозаи фурӯши қисмҳои эҳтиётӣ ва дар ноҳияи Рӯдакӣ як адад нуқтаи фурӯши техникаи кишоварзиро ба роҳ мондааст, ки он барои ёрии саривақтӣ ба хоҷагиҳои кишоварзӣ хизмат менамояд.