МУВАФФАҚИЯТИ ДЕҲҚОНОНИ ШАҲРИНАВ

Шаҳринав, 18 ноябр. (АМИТ «Ховар», Ҳотам Рабиев).-Кишоварзони ноҳияи Шаҳринав аз масоҳати 1 ҳазору 182 гектар  зиёда аз 2 ҳазор тонна пахтаи аълосифат ҷамъ оварда, нақшаро пурра иҷро  намуданд. Дар таъмини нақшаи имсола ва сазовор гардидан ба ин комёбӣ деҳқонони хоҷагиҳои ба номи И. Меликмуродов, «Наврӯз», «Пуштаи миёна», «Аҷам» саҳми муносиб доранд. Дар ин рӯзҳо  деҳқонон заминҳоро аз ғӯзапоя холӣ карда, барои ҳосили соли оянда заминаи боэътимод мегузоранд.