ЗАХИРАИ НАМАК ВА ҚУМ ДАР МӮЪМИНОБОД

        Кӯлоб, 29 ноябр. (АМИТ «Ховар»,  Сулаймон  Холов). – Кормандони корхонаи  фаръии хоҷагии  манзилию  коммуналии ноҳияи Мӯъминобод ба  мавсими зимистонгузаронӣ омодагӣ  дида, то ин  муддат  4 тонна намак,  35  куб қум ва  2 тонна  сӯзишворӣ захира  намудаанд. Назаралӣ  Мирзоев- сардори  корхонаи  мазкур дар  бастагӣ ба ин  мавзӯъ  гуфт, ки  корҳои ободонӣ  аз  тарафи кормандони  корхона дар  11 моҳи  соли  ҷорӣ  ба  маблағи 297 000 сомонӣ ба  анҷом  расид. Айни  ҳол  коргарон ба тоза  кардани  партовҳо ва  шинонидани  гулу  гулбуттаҳо сафарбар  гардидаанд.  Ба гуфти Н. Мирзоев ҳарчанд дар  корхона  3 адад техникаи ёрирасон фаъолият менамояд, вале ҳанӯз ҳам барои  пешрафти  кор     нарасидани  техникаи  ҳозиразамон ва таҷҳизоти зарурии он   халал ворид менамояд.