«ҲОКИМИ КОНИ НАМАК»

  Ҳисор, 28 декабр. (АМИТ «Ховар»,  Ҳ. Рабиев). – «Ҳокими кони намак» — чунин  ном  дорад китоби  нави  шоир ва  нависандаи  пухтакору  сермасъул Султонмуроди  Одина, ки  тариқи  нашриёти «Ирфон» бо теъдоди 500  нусха  дастраси   хонандагон гардид. Дар  китоб қисса,  ҳикоя,  саргузашт ва  воқеаҳои  лутфбори  дидаю  шунидаи  нависанда  гирд  оварда шудаанд. Мавриди  зикр  аст, ки  ин  китоби 38-уми  адиби  номдор  Султонмуроди  Одина аст, ки  аз  фаъолияти эҷодии ӯ чиҳил  (40) сол  сипарӣ  мегардад.