Ҳ. ЗАРИФӢ САФИРИ ТУРКИЯ ДАР ТОҶИКИСТОНРО БА ҲУЗУР ПАЗИРУФТ
Душанбе, 17 декабр. (АМИТ «Ховар», Мавҷуда Анварӣ).-17 декабри соли 2010 Вазири корҳои хориҷии Ҷумҳурии Тоҷикистон Ҳамрохон Зарифӣ сафири фавқулъода ва мухтори Ҷумҳурии Туркия дар Ҷумҳурии Тоҷикистон Мехмет Мунис Дирикро ба муносибати супоридани нусхаи эътимоднома ба ҳузур пазируфт. Баъди маросим сўҳбати вазир бо сафир баргузор гардид. Дар рафти он Ҳ. Зарифӣ изҳори умедворӣ намуд, ки сафири кишвари дӯст дар рафти адои вазифаи худ барои таҳким ва инкишофи минбаъдаи муносибатҳои дуҷонибаи байни кишвари худ ва Тоҷикистон саҳми сазовор хоҳад гузошт. Дар ҷараёни сӯҳбат масъалаҳои рушди муносибатҳои дуҷониба ва ба роҳ мондани ҳамкориҳои мутақобилан судманд дар соҳаҳои гуногун миёни Ҷумҳурии Тоҷикистон ва Ҷумҳурии Туркия баррасӣ гардида, масъалаҳои омодагӣ ба маъракаи «Нишасти сарони кишварҳои аъзои Созмони ҳамкориҳои иқтисодӣ», 23 декабри соли 2010 дар Туркия баргузор мегардад, мавриди таваҷҷӯҳ қарор гирифтанд. Дар ин бора ба хабарнигори АМИТ «Ховар» аз Департаменти иттилоотии ВКХ хабар доданд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
