88 НАФАР КОРҶӮЙ СОҲИБИ РОҲХАТ ГАРДИД

   Душанбе, 22 январ. (АМИТ «Ховар», Мавзуна Бойева) — Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар шаҳри Душанбе, раёсатҳои он дар ноҳияҳои И.Сомонӣ, Шоҳмансур, Фирдавсӣ ва Сино дар «Литсеи алоқаи №5», воқеъ дар кўчаи Мирзо Турсунзода 47, имрӯз, 21-уми январи соли 2011-ум ярмаркаи умумишаҳрии ҷойҳои кории холӣ ва вазифаҳои озодро баргузор намуд. Дар ин бора ба мухбири АМИТ «Ховар» аз шўъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон иттилоъ доданд.      Дар ин ярмарка 33 корхонаю муассисаҳои шаҳри Душанбе иштирок намуда, ба корҷӯён 1818 ҷойи кории холиро пешниҳод намуданд.  Тибқи мувофиқаи қаблӣ бо шабакаҳои телевизионии ТВТ-1, «Ҷаҳоннамо» ва радиои «Садои Душанбе» гузоришу мусоҳибаҳо оид ба баргузории ярмарка ва ташкили ин чорабинӣ, ки барои бо шуғл фаро гирифтани шаҳрвандони бекор мусоидат мекунад, сабт шуданд.    Масъулини ин чорабинӣ тариқи ВАО фикру мулоҳизаҳои хешро баён намуданд.    Дар ярмаркаи мазкур ба 80 нафар корҷўён барои дарёфти ҷойи кор ва ба 6 нафар барои омўзиши касб роҳхат дода шуд.