СӮХТОР ДАР «ИНЪОМ»

     Душанбе, 5 январ. (АМИТ «Ховар», Лутфия Эшонқулова). – Бегоҳии 4-уми январ, соати 5 дар бозори калони либос фурӯшии «Инъом», ки дар маркази ноҳияи Шаҳритӯс ҷойгир аст, сӯхтор ба амал омад. Дар натиҷаи сӯхтор дар ҳаҷми 4 ҳазор метри мураббаъ майдони бозор нобуд гардид.    Тибқи хабари расмии роҳбари маркази матбуоти ВКД ҶТ ҳодисаи нохуш бе ҷароҳат ва талафоти ҷонӣ ба вуқӯъ пайваст. Ин гуфтаро дар мақомоти иҷроияи ҳокимияти давлатии ноҳияи Шаҳритӯс низ тасдиқ намуданд.     «Дар айни замон барои муайян намудани сабаб ва зарари сӯхтор комиссия ташкил шудааст», қайд намуд манбаъ.