ҶАШНВОРАИ «НАВРӮЗ-2011» ДАР ДУШАНБЕ

Душанбе, 11 март. (АМИТ «Ховар», Дилшодаи Хайруллох).-Аз 5 то 9 апрели соли равон ба ифтихори 20- солагии Истиқлолияти давлатии Тоҷикистон дар шаҳри Душанбе фестивали байналмилалии театрҳои касбии «Наврӯз-2011» баргузор мегардад. Дар назар аст, ки дар ин чорабинии фарҳангӣ беҳтарин театрҳои касбии минтақа, аз ҷумла театрҳои Ҷумҳурии Қазоқистон, Қирғизистон, Ӯзбекистон, Туркманистон, Ҷумҳурии Исломии Афғонистон, Ҷумҳурии Исломии Эрон ширкат менамоянд. Ҳадаф аз баргузории фестивали мазкур таҳкими робитаҳои фарҳангии кишварҳои минтақа буда, чун анъана ҳар сол дар Ҷумҳурии Тоҷикистон баргузор мегардад. Айни замон корҳои омодагӣ ба ин чорабинии муҳим идома доранд. Иттилои мазкур аз маркази матбуоти Вазорати фарҳанг ба хабарнигори  АМИТ «Ховар» дастрас гардид.