ҶАВОНОН- ОЯНДАИ МИЛЛАТ

Файзобод, 17  март. (АМИТ «Ховар», Зебо  Давлатова). – Ба сардии ҳаво нигоҳ накарда  соҳибкорону  сохтмончиёни    ҷамоати  деҳоти  Мискинободи  ноҳияи  Файзобод  бо  дастгирии  ҳукумати  маҳаллӣ ба сохтмони иншооти ҷашнӣ машғуланд. Тавре  раиси  ҷамоати  мазкур  Абдулҳамид  Шоев ба  хабарнигори  АМИТ «Ховар»  иттилоъ  дод, имрӯзҳо  дар  ҳудуди  ҷамоат   10  адад  иншооти  ҷашнӣ  сохта  ба  истифода дода  шудааcт.  Соҳибкорон    бо  дастгирии Бонки  рушди  исломӣ ният доранд мактаб  барои  600  хонандаро, ки  дар  деҳоти  Заркамар бунёд шуда истодааст, дар  арафаи  ҷашни  Наврӯз  ба  истифода диҳанд. Сохтмони  мағозаю  ошхона,  дорухонаҳо, мағозаи нуқтаи  фурӯши  ангиштсанг,  купрӯки  калон аз болои  дарёчаи  Элок дар  деҳаи  Мӯъминобод, инчунин,  5  адад  мағозаи  фурӯши  молҳои  ниёзи  мардум  дар  ҳудуди  ҷамоат низ  бо вусъат ҷараён дорад.  Абдулҳамид  Шоев  иброз  намуд, ки  дар  ҷамоат   ба соҳаи  варзиш низ аҳамияти ҷиддӣ медиҳанд.  Варзишгарони  ҷамоат  дар  мусобиқаи  волейболбозон  дар  ноҳия  иштирок  намуда, сазовори  ҷои  аввал  гардиданд. Дар  оянда  мо  ният  дорем, ки  барои  ҷавонон  варзишгоҳи   замонавӣ  сохта,  онро то  ҷашни  Истиқлолият  ба  истифода диҳем. Зеро  ҷавонон  ояндаи  моянд,-афзуд А.Шоев.