ВАРЗИШ БА ХОТИРИ КАМОЛЁБИИ ҶАВОНОН

   Хоруғ,  10 март. (АМИТ «Ховар», Л.Додо). –  Рӯзҳои  1 ва  2  — юми   март  бахшида   ба  20 – умин  солгарди  Истиқлолияти  давлатии  Ҷумҳурии  Тоҷикистон дар  толори  варзишии  мактаби  рақами  10 – и ноҳияи   Шуғнон  мусобиқа  аз  рӯи намуди  гӯштини  миллӣ   доир   гардид.  Тибқи  иттилои  сармураббии даста  Азиз  Мирҳасанов дар  мусобиқа  100  нафар  варзишгарони  ноҳия  ширкат  варзиданд. — Мақсад  аз  баргузории  чунин   мусобиқа баланд бардоштани  маҳорати  варзишии  варзишгарон ва ба ин  васила дур сохтани   наврасону  ҷавонон  аз   корҳои  ношоям  мебошад,  гуфт Азиз  Мирҳасанов.       Ғолибони  мусобиқа  аз  ҷониби  раёсати  ҷавонон,  варзиш  ва  сайёҳии ноҳияи  Шуғнон бо  ифтихорнома ва  мукофоти  пулӣ  қадрдонӣ  шуданд.