600 000 китоб барои Китобхонаи миллӣ

Душанбе, 25 июл.(АМИТ «Ховар», Марзия Саидова).- Беш аз 600 ҳазор адад китобу адабиёти гуногун аз ҷониби 67 вазорату идораҳо, муассисаҳо ва мақомоти иҷроияи маҳаллии ҳокимияти давлатии шаҳру ноҳияҳои ҷумҳурӣ ба Китобхонаи миллии ҷумҳурӣ супорида шудааст. Бояд зикр кард, ки бобати мукаммал гардонидани Китобхонаи миллии ҷумҳурӣ аз 27 майи соли 2011 тибқи супориши Ҳукумати  ҷумҳурӣ тақдими китобу адабиёт ба ин махзан идома дорад.       Мавриди зикр аст, ки Китобхонаи  миллии Ҷумҳурии Тоҷикистон  ба номи А. Фирдавсӣ соли 1933 дар заминаи китобхонаи шаҳрӣ таъсис ёфта, соли 1934 ба ифтихори 1000 солагии муаллифи асари оламшумул «Шоҳнома» — Аблқосим Фирдавсӣ номи ӯро гирифт. Соли 1993  Китобхона мақоми миллиро касб намуд.Алҳол дар маъхази Китобхонаи миллӣ  беш аз 3 миллион  китоб маҳфуз буда, дорои 35 ҳазор хонанда мебошад.