Мавқеи дастаи мунтахаби Тоҷикистон коҳиш ёфт

Душанбе, 28 июл. (АМИТ «Ховар», Пайрав Назаров). – Федератсияи байналмилалии футбол (ФИФА) натиҷаи навбатии мақомгузории (рейтинг) – и дастаҳои мунтахаби кишварҳои ҷаҳон оид ба футболро дарҷ намуд. Дастаи мунтахаби миллии Тоҷикистон оид ба футбол ҳафт сатр поён фуромада, ҳоло дар байни 207 кишвари ҷаҳон мақоми 142 – юмро касб мекунад. Дастаи мунтахаби Тоҷикистон аз рӯи мақомгузории қитъаи Осиё ҳам 7 мавқеъ поён фаромада, акнун дар байни 46 дастаи мунтахаб ҷойи 23 – юмро ишғол менамояд. Дастаи миллии Испаниё, ки 1588 холи шартӣ ба даст овардааст, аз рӯи мақомгузории ҷаҳонӣ дар ҷои аввал мебошад. Рӯйихати даҳ дастаи мунтахаби пешқадам чунин аст: Испаниё – 1588, Ҳоланд – 1542, Олмон – 1305, Бразилия – 1202, Уругвай – 1156, Англия – 1146, Португалия – 1076, Италиё – 1059, Хорватия – 1033, Аргентина – 1013.