Мужда барои муштариёни хатҳои мобилии Тоҷикистон

Душанбе, 12 июл. (АМИТ «Ховар»). — Тайи ҳар моҳ дар харитаи пахши шабакаи Хатҳои мобилии Тоҷикистон (ХМТ) маҳаллаҳои наве пайдо мешаванд, ки бо мухобираи хушсифати садоӣ ва 3G фаро гирифта мешаванд. Роҳбарияти ҶПС «ТТ мобайл» барои васеъ намудани минтақаи пахши садо ва 3G мухобира дар қаламрави Ҷумҳурии Тоҷикистон фаъолона чора мебинад. Масалан, дар як худи моҳи июн дар кӯчаҳои Айнӣ, Насосная, Раҳмон Набиев, Шестопалов ва Карамови шаҳри Душанбе марказҳои нави шабака мавриди истифода қарор дода шудаанд. Ин имкон медиҳад, ки сифати мухобира ва Интернет дар пойтахти кишвар хеле беҳтар гардад.Дар маҳаллаҳои Селбур ва Сангмелаи ноҳияи Шаҳринав ва ҷамоати Якуми Майи шаҳри Турсунзода низ чунин марказҳо фаъолият доранд. Дар вилояти Суғд сокинони деҳоти Арали ноҳияи Айнӣ, Шафтолубоғи шаҳри Хуҷанд, деҳаҳои Нуҳум, Хуҷанд – Набиеви ноҳияи Бобоҷон Ғафуров, хиёбони нави шаҳри Чкалов, деҳкадаҳои Меҳрон, Иван – тоҷик, Ревомути Мастчоҳи Кӯҳӣ аз хидматрасонии шабакаҳои нави (ХМТ) бархурдор шудаанд. Дар ноҳияҳои Фархору Шаҳритуси вилояти Хатлон чунин марказҳои нав ба кор даромаданд. Дар ноҳияи Ишкошими ВМКБ боз як маркази асосӣ мавриди истифода қарор дода шудааст. Тайи як моҳ даҳҳо маҳаллаю чандин ҳазор шаҳрвандони ҷумҳурӣ аз хидмати шабакаи нави (ХМТ) бархурдор шуданд, ки ин ҳанӯз оғози кор аст. Мо саъю кӯшиш дорем, ки сифати хизматрасониамонро ҳамеша баланд бардорем.