Нишасти матбуотӣ дар Турсунзода

Турсунзода, 14 июл.(АМИТ «Ховар», Ҳотам Рабиев).- Сокинони шаҳри Турсунзода баҳри сазовор истиқбол гирифтани ҷашни фархундаи миллат – 20-умин солгарди Истиқлолияти давлатии Ҷумҳурии Тоҷикистон саъю кӯшиши зиёд доранд,- иброз дошт раиси шаҳри Турсунзода Давлатшо Гулмаҳмадов зимни нишасти матбуотӣ. Ба ақидаи мавсуф то имрӯз зиёда аз 23 иншооти ҷашнӣ ба истифода дода шуда, сохтмони 22 иншоот дар арафаи анҷомёбӣ қарор доранд.Кишоварзон сарфи назар аз мушкилиҳои имсола баҳри фаровонии маҳсулоти кишоварзӣ кӯшиш доранд. То имрӯз беш аз 8 ҳазор тонна пиёз ҷамъоварӣ ва зиёда аз 5 ҳазор тоннаи он ба хориҷи кишвар содир шудааст.