Кормандони ҷавони ВКХ ҶТ савганд ёд карданд

Душанбе, 25 август (АМИТ «Ховар», Пайрав Назаров). – 23 август дар Маркази матбуоти ҷумҳуриявӣ бо иштироки роҳбарияти Вазорати корҳои хориҷии Ҷумҳурии Тоҷикистон маросими савгандёдкунии 22 нафар кормандони ҷавони дастгоҳи марказии ВКХ Ҷумҳурии Тоҷикистон, ки бори нахуст ба иҷрои хизмати давлатӣ шурӯъ кардаанд, баргузор гардид. Мутахассисони ҷавон ҳамчунин зимни суханрониашон савганд ёд карданд, ки ба Ватан содиқ монда, манфиатҳои давлату ҷомеа ва муқаддасоти Тоҷикистонро ҳифз менамоянд ва пос медоранд.Дар ин бора ба АМИТ «Ховар» дар Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон иттилоъ доданд.