Вусъати иншооти ҷашнӣ дар Роғун

Роғун, 5 август. (АМИТ «Ховар», Зебо Давлатова). – Тавре сардори раёсати сохтмони асосии шаҳри Роғун Музаффар Абдиев ба хабарнигори АМИТ «Ховар» иттилоъ дод, дар арафаи ҷашни истиқлолияти кишвар аз ҳисоби буҷаи ҳукумати маҳаллӣ 10 адад ва аз ҳисоби маблағҳои соҳибкорони маҳаллӣ 20 адад иншоот сохта, ба истифода дода мешавад. Мавсуф афзуд, ки айни замон сохтмони меҳмонхонаи ҳукуматӣ барои 30 ҷой ва бинои фарҳангӣ иборат аз осорхона, хонаи эҷоди бачаҳо, китобхона ва бойгонӣ дар арафаи анҷомёбӣ қарор доранд.То ҷашни 20 – солагии Истиқлолият 8 иншоот аз ҳисоби буҷаи маҳаллӣ ва 8 иншооти дигар аз ҳисоби соҳибкорон ба истифода дода мешавад.