Ҳ.Зарифӣ ба Ню-Йорк меравад

 
Душанбе, 15 сентябр. (АМИТ «Ховар», Бекназари Абӯбакр). — Ҳафтаи оянда ҳайати Ҷумҳурии Тоҷикистон таҳти роҳбарии вазири корҳои хориҷии Тоҷикистон Ҳамрохон Зарифӣ ҷиҳати иштирок дар иҷлосияи 66-уми Маҷмаи Умумии Созмони Милали Муттаҳид озими Ню-Йорк мешавад. Дар назар аст, ки вазири корҳои хориҷӣ Ҳамрохон Зарифӣ дар ҷаласаи МУ СММ аз номи Президенти Ҷумҳурии Тоҷикистон Эмомалӣ Раҳмон суханронӣ намуда, дар якчанд чорабиниҳои дар ҳошияи иҷлосия барпошаванда иштирок мекунад. Дар Вазорати корҳои хориҷии Тоҷикистон ба мухбири АМИТ «Ховар» гуфтанд, ки дар чаҳорчӯби сафари кории вазири корҳои хориҷӣ ба Ню-Йорк, инчунин мулоқоти дуҷонибаи ӯ ба нақша гирифта шудаанд.