Кӯлоб барои гирифтани унвони пойтахти мадании ИДМ пениҳод шуд

Душанбе, 28 сентябр.(АМИТ «Ховар», Мавҷуда Анварӣ). — Барои соҳиб шудан ба унвони пойтахти мадании Иттиҳоди давлатҳои мустақил шаҳрҳои Кӯлоби Тоҷикистон ва Остонаи Қазоқистон пешниҳод шуданд. Тавре аз Хадамоти матбуотии Хазинаи ҳамкориҳои башардӯстонаи байналхалқии ИДМ хабар доданд, ин пешниҳод дар конгресии байналмиллалии «Маданият ҳамчун захираи модернизатсия», ки дар шаҳри Уляновск гузашт, аз ҷониби вазирони фарҳанги Тоҷикистону Қазоқистон Мирзошоҳрух Асрорӣ ва Мухтор Қулмуҳаммад садо дод.Дар баробари шаҳри Кӯлоб пойтахти Қазоқистон- Остона низ ҳамчун нахустин шаҳри санҷишии Барномаи байналхалқии «Пойтахтҳои мадании Иттиҳод» номбар карда шуд.Хотиррасон бояд кард, ки шаҳри Уляновск, он ҷое, ки рӯзҳои 26-27 сентябр Конгресси байналхалқии «Маданият ҳамчун захираи модернизатсия» сурат гирифт, пойтахти мадании кунунии ИДМ маҳсуб меёбад.