Китоби нав дар бораи энергетикҳо

Душанбе, 6 сентябр. (АМИТ «Ховар», Кристина Эрлих). – Дафтари матбуоти ШСХК «Барқи тоҷик» ба ифтихори 20 – умин солгарди Истиқлолияти давлатии Тоҷикистон китоберо дар бораи сиёсати Президенти Тоҷикистон Эмомалӣ Раҳмон дар бахши энергетика таҳти унвони «Нурафзо» аз чоп баровард.Тавре дар ШСХК «Барқи тоҷик» ба хабарнигори АМИТ «Ховар» иттилоъ доданд, дар ин китоб асосан аз дастовардҳои энергетикҳои тоҷик тайи солҳои истиқлолияти Тоҷикистон нақл карда мешавад. Масалан, дар боби «Истиқлолият ва гидроэнергетика» ҷараёни сохтмони нерӯгоҳҳои барқи обии «Помир-1» ва «Сангтӯда – 1» муфассал зикр шуда, ҳамчунин фаъолияти тамоми сохтори энергетикӣ тайи солҳои истиқлолият баён карда мешавад. Китоб бо нусхаҳои зиёд ба забони тоҷикӣ интишор гардида, барои доираи васеи хонандагон пешбинӣ шудааст.Китоби «Нурафзо» — ро раиси ШСХК «Барқи тоҷик» Абдулло Ёров ва роҳбари дафтари матбуоти муассисаи мазкур Нозир Ёдгорӣ тартиб додаанд.