Мактаби байналмилалии олимони ҷавони ИДМ
Душанбе, 21 сентябр. (АМИТ «Ховар», Людмила Дубинина). – Аз 19 то 26 сентябр дар шаҳри Душанбе машғулияти Мактаби байналмилалии олимони ҷавони мамлакатҳои узви Иттиҳод таҳти унвони «Проблемаҳои муштараки физика ва астрофизикаи нерӯҳои баландшиддат» бо истифодаи озмоишгоҳи илмии дар Помирбудаи Маркази тадқиқоти илмии байналмилалии «Помир – Чақалтой» сурат мегирад. Мақсад аз машғулият дар мактаби мазкур идома ва рушд додани лоиҳаи тадқиқоти илмӣ бобати омӯзиши нерӯҳои баландшиддат дар қуллаҳои кӯҳсор мебошад.Ин чорабиниро Академияҳои илмҳои Русия ва Тоҷикистон бо пуштибонии Бунёди байнидавлатии ҳамкории башардӯстонаи давлатҳои аъзои ИДМ созмон додаанд. Шнавандагони мактаб иборат аз олимони ҷавони Озарбойҷон, Арманистон, Беларус, Қазоқистон, Қирғизистон, Молдова, Украина, Русия ва Тоҷикистон мебошанд.Тавре директори Пажӯҳишгоҳи физикию техникии Академияи илмҳои Ҷумҳурии Тоҷикистон Ҳикмат Мӯъминов ба хабарнигори АМИТ «Ховар» иброз дошт, ташкилкунандагони лоиҳа пеш аз ҳама чунин олимони ҷавонеро ҷамъ овардаанд, ки мехоҳанд нафақат сатҳи дониши худро дар соҳаҳои зикршуда илму техника зиёд кунанд, балки аз дастовардҳои охирин ва проблемаҳои мубрами ин соҳаҳо низ воқиф гарданд.