Мулоқоти Ҳ.Зарифӣ бо Мирослав Енчу

Душанбе, 26 сентябр. (АМИТ «Ховар», Лутфия Эшонқулова). – Вазири корҳои хориҷии Ҷумҳурии Тоҷикистон Ҳамрохон Зарифӣ дар доираи иштирок дар иҷлосияи 66 – уми Ассамблеяи Генералии Созмони Милали Муттаҳид дар Ню – Йорк роҳбари Маркази минтақавии Созмони Милали Муттаҳид оид ба дипломатияи пешгирикунанда дар Осиёи Марказӣ Мирослав Енчуро ба ҳузур пазируфт.Тавре дар идораи сиёсати хориҷии мамлакат ба АМИТ «Ховар» иттилоъ доданд, дар мулоқот ҳамкорӣ аз рӯи масоили муҳими минтақавии байни Ҷумҳурии Тоҷикистон ва Маркази минтақавии СММ оид ба дипломатияи пешгирикунанда дар Осиёи Марказӣ мавриди муҳокима қарор гирифт.Мувофиқи суханони манбаъ, Ҳамрохон Зарифӣ ҳамчунин бо вазири давлатӣ оид ба ҳамкории байналмилалии Давлати Қатар Холид ибни Муҳаммад ал – Атия сӯҳбат намуд.Ҷонибҳо дар ҷараёни сӯҳбат масъалаҳои ҳамкории иқтисодии ду кишвар ва роҳҳои рушду таҳкими онро баррасӣ намуданд.