А. Иброҳим: «Ҳолатҳои наомадани бағоҷ низ ба назар мерасанд»

Душанбе, 11 октябр. (АМИТ «Ховар», Фарҳоди Шомаҳмад).- Фурудгоҳи байналмилалии Душанбе фаъолияти 9 моҳаро ҷамъбаст кард. Муовини директори генералии фурудгоҳи Душанбе Азиз Иброҳимов гуфт, ки фурудгоҳи Душанбе бо 22 ширкати ҳавопаймоӣ ҳамкорӣ дорад. Дар ин муддат ба 454 ҳазору 228 нафар мусофир барои парвоз ба дигар кишварҳо хизмат расонида шудааст. Ҳамзамон дар 9 моҳи соли ҷорӣ ба 352 ҳазору 957 мусофири ба кишвари мо омада хизмат расонида шуд. — Дар 9 моҳи соли ҷорӣ зиёда аз 1 ҳазору 966 тонна бор интиқол дода шудааст. Дар ин муддат 422 ҳолати наомадан ва осеб дидани бағоҷи мусофирон ба назар расид, ки аз ин 419 ҳолат қонеъ гардонида шуд ва 3 эрод дар марҳилаи баррасӣ қарор дорад, — афзуд Азиз Иброҳимов.