«Дӯстиро ҷустуҷӯ дорем мо»
Душанбе, 12 октябр. (АМИТ «Ховар», Мавҷуда Анварӣ). – Чанде пеш бахшида ба 100-солагии зодрӯзи арбоби барҷастаи адабиёти муосир, мунодии сулҳу ваҳдат, Қаҳрамони Тоҷикистон, Шоири халқии Тоҷикистон, ҷоизадори мукофотҳои олии давлатии шӯравию байналмилалӣ Мирзо Турсунзода дар Театри давлатии мусиқӣ- мазҳакавии ба номи Камоли Хуҷандии шаҳри Хуҷанд бо иштироки аҳли зиё, адибону рӯзноманигорон, омӯзгорону табибон, кормандони корхонаву муассисаҳои маркази вилоят, ходимони ҷамъиятӣ ва собиқадорони ҷангу меҳнат ҷамъомад доир гардид. Сипас аҳли ҳунари театр намоишномаи тозаэҷоди худ — «Дӯстиро ҷустуҷӯ дорем мо»-ро намоиш доданд, ки он ба қалами адабиётшиноси маъруф, доктори илми филология Отахон Сайфуллоев тааллуқ дорад.Намоишномаро Арбоби шоистаи санъати Ҷумҳурии Тоҷикистон Абдулҳафиз Қодирӣ ба саҳна гузоштааст. Дар нақшҳои асосии ин асари иҷтимоии шавқовару ибратомез Ҳунармандони мардумии Ҷумҳурии Тоҷикистон Даврон Алиматов ва Зулфия Тӯйчиева, Ҳунарпешаҳои шоистаи Ҷумҳурии Тоҷикистон Абдуҳамид Каримов, Абдураҳмон Ашӯров, Неъматҷон Дӯстматов ва Малоҳат Абдушукурова, ҳунарпешаҳои номдор Асрор Камолиддинов, Ҳакимҷон Аҳмадов ва дигарон ҳунарнамоӣ карданд.
Имрӯз дар шаҳри Душанбе ҳаво то 38 дараҷа гарм мешавад
Имрӯз дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
