Расулов дар курсии вакилӣ нишаст

Душанбе, 12 октябр.(АМИТ «Ховар», Марзия Саидова).-Тибқи Қарори Маҷлиси намояндагони Маҷлиси Олии Ҷумҳурии Тоҷикистон Ашӯрбег Расулов узви Кумита оид ба иқтисод ва молияи Маҷлиси намояндагони Маҷлиси Олии Ҷумҳурии Тоҷикистон интихоб шуд.  Ашӯрбег Расулов, ки  аз соли 2007 то ин давра вазифаи муовини вазири маорифи ҷумҳурӣ дар бахши сохтмон ва молияро ба ӯҳда дошт, аз рӯйхати Ҳизби ҳалқӣ- демократии Тоҷикистон, ҳавзаи ягонаи умумиҷумҳуриявӣ вакили Маҷлиси  намояндагон интихоб гардид. Қаблан аз рӯйхати ҲХДТ Ҳусейн Алиев дар палатаи поёнии парлумони  мамлакат дар курсии вакилӣ менишаст. Мавсуф бо Фармони Президенти мамлакат иҷрокунандаи Раиси ноҳияи Тоҷикобод таъин гардид.Дар ҷаласаи навбатии иҷлосияи палатаи поёнии парлумон мамлакат, ҳамзамон бо қарори  Маҷлиси намояндагон ваколатҳои вакили Маҷлиси намояндагон, Раиси Кумитаи сохтори давлатӣ ва худиидоракунии маҳаллӣ марҳум, Сафаралӣ Раҷабов, ки 5 октябр бар асари сактаи қалб дар синни 56 -солагӣ аз олам даргузашт, қатъ  карда шуд.