Равоншиносон ба беморони рӯҳӣ хизмат мерасонанд

Душанбе, 12 октябр. (АМИТ «Ховар», Дилшодаи Хайрулло). — 11 октябр дар маркази матбуотии ҷумхуриявӣ бо иштироки хабарнигорон дар робита ба солимии рӯҳӣ ва саломатии ҷомеа нишасти матбуотӣ баргузор гардид. Зимни нишаст таъкид гардид, ки  ҳоло  дар муассисаҳои гуногуни Ҷумҳурии Тоҷикистон ёрии тиббии рӯҳӣ расонида мешавад. Равоншиносон низ ба беморони рӯҳӣ табобат мерасонанд. Тибқи омори расида Донишгоҳи миллии Тоҷикистон соли 2007-ум  25 равоншинос ва  Донишгоҳи омӯзгорӣ  109  равоншиносро омода кардаанд. Бино ба маълумоти Созмони ҷаҳонии тандурустӣ  айни замон дар чаҳон  аз касалии  рӯҳӣ қариб 500  миллион нафар  азоб мекашанд.Дар робита ба ин беморӣ ҳоло бо дастгирии Ҳукумати Ҷумҳурии Тоҷикистон дар мамлакат  10 ташкилоти ҷамъиятӣ фаъолият доранд, ки  ба  гирифторони ин беморӣ  ёрии амалӣ мерасонанд.