Сохтмони иншооти соҳаи иҷтимоӣ — фарҳангӣ дар 9 моҳ

Душанбе, 20 октябр. (АМИТ «Ховар», Лаззат Диловарзод).- Дар Агентии омори назди Президенти ҶТ ба мухбири АМИТ «Ховар» иттилоъ доданд, ки дар давоми моҳҳои январ – сентябри соли 2011 барои инкишофи сохтмони  соҳаи иҷтимоӣ аз буҷа 1 млрд. 370, 5 млн. сомонӣ ҷудо шудааст, ки 43 фоизи ҳаҷми умумии сармоягузории ҷумҳуриро ташкил медиҳад. Дар ин муддат дар масоҳати умумии 439,2 ҳазор метри мураббаъ хонаҳои истиқоматӣ сохта ва ба истифода дода шудаанд. Мавриди истифода қарор додани хонаҳои истиқоматӣ дар вилояти Суғд 169 ҳазор метри мураббаъ, дар вилояти Хатлон – 195,8, шаҳри Душанбе – 12,5 ва дар НТҶ 61,9 ҳазор метри мураббаъро ташкил дод. Дар ҷумҳурӣ 95 фоизи ҳаҷми умумии хонаҳои истиқоматиро аҳолӣ сохтааст. Тайи 9 моҳи соли ҷорӣ барои 6499 ҷойи нишаст мактабҳои таҳсилоти умумӣ сохта шуд. Дар ин давра сохтмони беморхонаҳо низ ба таври зарурӣ ба роҳ монда шудааст.