Таҷлили иди забон дар Кумитаи ҳолатҳои фавқулодда

Душанбе, 5 октябр. (АМИТ «Ховар», Лутфия Эшонқулова). — Имрӯз, 5 октябр бахшида ба Иди забони давлатӣ дар толори Кумитаи ҳолатҳои фавқулодда ва мудофиаи шаҳавандии назди Ҳукумати Ҷумҳурии Тоҷикистон  конфронси илмию назариявӣ доир гардид.Дар конфронс  интирокчиён оид ба Қонуни Ҷумҳурии Тоҷикистон «Дар бораи забони давлатӣ» сухан намуда, нақш ва мавқеи онро барои кишвари тозаистиқлоли Тоҷикистон ва дар арсаи ҷаҳонӣ баланд арзёбӣ карданд. Нотиқон ҳамзамон қайд намуданд, ки ҳазорон олимону мутафаккирони тоҷик дар гузаштаву имрӯз маҳз тариқи ин забони ширини дарӣ эҷод кардаанду фарҳангу тамаддуни  бойи мардуми тоҷикро дар арсаи ҷаҳон муаррифӣ намудаанд.Ҳайати роҳбарии Кумитаи ҳолатҳои фавқулодда ва мудофиаи шаҳрвандӣ  баргузории ин конфронсро бахшида ба ҷашни бузурги меҳан, яъне иди забони давлатӣ, ки ба 20-солагии Истиқлолияти давлатии кишвар рост омадааст, неъмати истиқлол арзёбӣ кард.