Заминҳои ҳосилхез ё хоҷагиҳои сертаҷриба

Душанбе, 6 октябр. (АМИТ «Ховар», Лаззат Диловарзод).- Тибқи маълумоти фаврии Раёсати растанипарварии Вазорати кишоварзӣ, соли ҷорӣ дар майдони 16 ҳазору 28 га картошка кишт шудааст, ки аз ин масоҳат бояд 351 ҳазору 435 тонна картошка ҷамъоварӣ шавад.Ба иттилои манбаъ, то 26 – уми сентябр аз масоҳати 6 559 гектар 131 ҳазору 467 тонна картошка чамъоварӣ шудааст. Ҷамъоварии ҳосили картошка дар вилояти Хатлон аз ҳар гектар 170,9, ВМКБ – 169,7, вилояти Суғд – 230 ва ноҳияҳои тобеи ҷумҳурӣ 209,7 сентнериро ташкил додааст. -Аз ин маълум мегардад, ки ҳосилнокии картошка дар замини ноҳияҳои кӯҳистон нафақат ба шароити табии он, балки ба таҷрибаи хоҷагиҳои картошкапарвар низ вобастагии зиёд дорад, вагарна чаро дар ноҳияҳои ВМКБ аз ҳар гектар 169,7 ва дар ноҳияҳои кӯҳии вилояти Суғд аз ҳар га 230 сентнерӣ ҳосили картошка рӯёнида мешавад,- иброз дошт муовини вазир Шукрулло Раҳимназаров ба мухбири АМИТ «Ховар».