«Фокус» купрӯк месозад ?

Душанбе, 19 ноябр. (АМИТ «Ховар», Лутфишо Додоев). – Чанд моҳ аст, ки намояндагони ташкилоти байналмилалии «Фокус» ба хотири бехатар гардонидани офатҳои табиӣ дар деҳоти ВМКБ корҳои омӯзишӣ мегузаронанд. Корҳои омӯзишӣ дар деҳоти Бану, Рид, Эмс ва мавзеи Рози ноҳияи Рӯшон ташкил шудаанд. Кормандони «Фокус» бо мардуми ин маҳаллаҳо вохӯрда, оид ба офатҳои табиӣ, таърихи пайдоиш, давомнокӣ ва шакли онҳо сӯҳбат намуда, мавод ҷамъ меоранд ва мавзеъҳои хавфнокро ба навор мегиранд. Ба иттилои корманди масъули ташкилот Давлатназар Лайлиев, -онҳо аз рӯи маводи ҷамъшуда барномаи мукаммал таҳия намуда, пешниҳоди донорҳо мегардонанд. Дар айни замон дар 16 деҳаи ноҳияи Рӯшон чунин корҳои омӯзишӣ ташкил шудаанд. Аз ҷониби ташкилоти мазкур дар ноҳия бисёр корҳои хайр, аз қабили сохтмони купрӯкҳои мошингарду пиёдагард, аз санг тоза кардани дараҳои деҳот ва таъмиру сохтмони мактабҳо сомон дода шудааст.